Медаль къыхьыгъ
Адыгэкъалэ щыщ дзюдоистыр Дунэе зэнэкъокъоу «Russian judo Tour» зыфиIорэм хэлэжьагъ ыкIи ящэнэрэ чIыпIэр къыщыдихыгъ. Урысыем ыкIи IэкIыб къэралыгъохэм яспортсмен анахь дэгъухэр Челябинскэ щызэIукIагъэх.
ЦIыкIу Рэмэзан килограмм 60-м нэс къэзыщэчыхэрэм азыфагу щыбэнагъ. Урысыем и Кубок икъыдэхын фэгъэхьыгъэ зэнэкъокъухэм ятIонэрэ чIыпIэр къащыдэзыхыгъэ тиспортсмен къинышхо къыщымыхъоу финалныкъом нэсыгъ, ар Армением илIыкIоу Гаспар Хайрапетянрэ Иркутскэ хэкум щыщ Данила Курташовымрэ атекIуагъ. Ау финалым ихьан ылъэкIыгъэп, Чэчэн
Республикэм испортсменэу Изнаур Сааевыр нахь лъэшыгъ. Ары зэнэкъокъухэм текIоныгъэр къащыдэзыхыгъэри. ЦIыкIу Рэмэзан ящэнэрэ чIыпIэм фэбанэзэ Казахстан къикIыгъэ Нурадил Алжан текIуагъ. ГъэхъэгъэшIу зышIыгъэ тидзюдоистрэ ащ итренерэу Шъэумэн Байзэтрэ тафэгушIо.
БЗЭШIУ Асхьад.