Кавказ ыкIи лъэпкъ къа­шъохэм я Урысые чем­пионат къалэу Ростов-на-Дону щыкIуагъ.

Тикъэралыгъо ишъолъырыбэмэ къары­кIыгъэ къэшъуакIохэр ащ щызэнэкъо­къугъэх, ялъэпкъ къэшъо дахэхэр къыщагъэлъэгъуагъэх.

Адыгэ Республикэр зэнэкъокъум къы­щы­зыгъэлъэгъуагъэр Тэхъутэмыкъое районым иадыгэ къэшъокIо ансамблэу «Нэфылъ» зыфиIорэр ары. «Лъэпкъ къашъор» зыцIэ номинациемкIэ ащ Гран-при къыфагъэшъошагъ. Ащ фэшъхьа­фэу ахъщэ шIухьафтынэу сомэ мин 50 къыратыгъ ыкIи «Урысыем ищыгъы­жъые зэблыгъ. Тхыдэхэр» зыфиIорэ фестиваль­кастингым хэлэжьэнэу фитыныгъэ къязытырэ сертификатыр къыфагъэшъо­шагъ. Фестивалыр мыгъэ Москва щыкIощт.

Ансамблэу «Нэфылъыр» 2015-рэ илъэсым зэхащагъ, ащ ипащэр Мерэмыкъо Артур.

ШIушIэ фондэу «ЦIэхэр» зыфиIорэр яIэпыIэгъоу зэнэкъокъур зэхэзыщагъэр «Искусствэм изэIухыгъэ дунай» зыцIэ организациер ары, ащ игъусагъ Рос­тов-на-Дону дэт къэралыгъо техническэ университетыр.

Ансамблэм хэтхэр, ахэм янэ-ятэхэр лъэшэу фэразэх Тэхъутэмыкъое район администрацием культурэмкIэ и ГъэIорышIапIэ ипащэу Хьатит Нурдин Алый ыкъом, ащ ынаIэ ренэу къэшъуакIохэм къызэратетым, ишIуагъэ къызэрари­гъэкIырэм афэшI.

Тэмрыкъо Зарем.