IофшIэным ыкIи зыкъэухъумэжьыным зэрэфэхьазырхэр зыщауплъэ­кIугъэ тхьамафэм икIэуххэр Мыекъуапэ физическэ культурэмрэ спортымрэкIэ и Комитет щызэфахьысыжьыгъэх.

Адыгеим икъэлэ шъхьаIэ дэсхэм мэкъуогъум и 19-м къыщегъэ­жьагъэу мэкъуогъум и 25-м нэс Урысые физкультурэ-спорт комплексэу «IофшIэным ыкIи зыкъэухъумэжьыным сафэхьазыр» зыфиIорэм къыдыхэлъытэгъэ шапхъэхэр атыхэзэ апкъы­шъол зэрэпсыхьагъэр агъэунэфыгъ. Ащ хэлэжьагъэхэм азыныкъо нахьыбэр ныбжьыкIэх, бэхэр спорт лъэпкъ зэфэшъхьафхэм апылъых. Азыныкъомэ илъэси 8-м къыщегъэжьагъэу илъэс 11-м нэс аныбжь. Гъэхъагъэ хэлъэу ахэм комплексым ишапхъэхэр атыгъэх. Нэбгыри 100-м щыщэу 14-мэ ахэр афэтыгъэп. Нэбгырэ 55-мэ комплексым идышъэ, нэбгырэ 20-мэ — итыжьын, нэбгырэ 11-мэ — иджэрз тамыгъэхэр къафагъэшъошагъэх.

Гъэхъагъэ хэлъэу шапхъэхэр зытыгъэхэм илъэс 30-м къехъу зыныбжь нэбгырищ къахэфагъ. Ахэр Джармэкъо Аслъан, Владимир Лагода, Марина Погореловар ары. Зичэзыу тхьамафэр бэдзэогъум и 24-м къыщегъэжьагъэу бэдзэогъум и 30-м нэс зэхащэнэу рахъухьэ