Физкультурэ-спорт комплексэу «IофшIэным ыкIи зыкъэухъумэжьыным сафэхьазыр» зыфиIорэм изичэзыу тхьамафэ ыкIэм фэкIуагъ.

Мыщ къыдыхэлъытэгъэ шап­хъэхэр зыты зышIоигъохэм япчъа­гъэ мызыгъэгум багъэ, ахэм спортсменхэри ахэтыгъэх.

Шапхъэхэр зыщатыхэрэр рес­публикэ стадионэу «Зэкъошныгъэр» ары. Дэгъоу зыкъэзыгъэлъагъохэрэм дышъэ, тыжьын, джэрз бгъэхалъхьэхэр афагъэ­шъуашэх.

Мы мафэхэм Адыгеим икъэлэ шъхьаIэ икаратист 25-мэ заушэтыгъ. Ахэм зэкIэми зэрифэшъуа­шэу зыкъагъэлъэгъуагъ, дышъэ ыкIи тыжьын бгъэхалъхьэхэр къалэжьыгъэх.

Джащ фэдэу зэдегъэштэн есыным ыкIи спорт ориентированием апыщагъэхэм мы лъэны­къомкIэ яамалхэр къагъэлъэ­гъуагъ, нахьыбэм дэгъу дэдэу шапхъэхэр атыгъэх. Ахэм шIэхэу дышъэ бгъэхалъхьэхэр къаратыжьыщтых.

Физкультурэ-спорт комплексэу «IофшIэным ыкIи зыкъэухъумэжьыным сафэхьазыр» зыфиIорэм итхьамафэ къыдыхэлъытагъэу нэбгыри 100 фэдизмэ шапхъэхэр атыгъэх. Iофтхьабзэр джыри мэфитIо кIощт.