Урысые физкультурэ-спорт обществэу «Динамо» зыфиIорэр зызэхащагъэр илъэси 100 зэрэхъугъэм фэгъэхьыгъэ апэрэ «Динамовскэ спорт джэгунхэр» Казань щыкIуагъэх.

Зэнэкъокъухэр мэкъуогъум и 15-м щегъэжьагъэу и 21-м нэс Поволжскэ къэралыгъо академием щырагъэкIокIыгъэх. Ахэм нэбгырэ минитIу фэдиз ахэлэ­жьагъ — спортымкIэ заслуженнэ мастери 7, спортымкIэ дунэе класс зиIэ мастер 79-рэ, спортымкIэ мастер 236-рэ, нэ­мыкI­хэри.

Адыгеим илIыкIохэр мыщ фэдэ Iофтхьэбзэшхом чанэу зэрэхэлэжьагъэхэм имызакъоу къэгъэлъэгъон дэгъухэри яIэх. Ягъэхъа­гъэхэмкIэ тагъэгушIуагъ къуаджэу Пэнэжьыкъуае исамбистхэу Хьатхъохъу Байзэтрэ Псэунэкъо Амиррэ. Тиспортсменхэм медалитIу къахьыгъ. Б. Хьатхъохъум текIоныгъэр къыдихыгъ, А. Псэунэкъом ящэнэрэ чIыпIэр къыфагъэшъошагъ.

Тиспортсменхэм тафэгушIо, тапэкIи гъэхъэгъэшIухэр ашIынхэу афэтэIо.