Адыгеим икъа­лэхэм ыкIи ирайонхэм къарыкIыгъэ кIэлэцIыкIухэр классическэ шах­матхэмкIэ Мые­къуапэ щызэхащэгъэ зэнэкъокъухэм ахэлажьэх.

Мэфиблым къыкIоцI нэбгырэ 56-мэ заушэтыщт, анахь дэгъу­хэр къэнэфэщтых.

КIалэхэм ыкIи пшъашъэхэм аныбжь елъытыгъэу купищэу гощыгъэх. Регламентым къызэригъэнафэу, партие пэпчъ сыхьатрэ ныкъорэ тебгъэкIодэн плъэкIыщт.

Анахьыбэу хэлажьэхэрэр 2014 — 2015-рэ илъэсхэм къэхъугъэ шъэожъыехэр ары. Мы купым хэхьэрэ нэбгырэ 18-мэ иешIакIэкIэ къахэщы Мыекъуапэ щыщ Роман Ки­ракосян.

Едзыгъуищым изэфэхьысыжьхэмкIэ, республикэм икъэлэ шъхьаIэ къэзыгъэлъэгъорэ кIалэхэм пэрытныгъэр аIыгъ. Пшъашъэхэр пштэмэ, Мыекъуапэ щыщхэм зэри­фэшъуашэу къянэкъокъун елъэ­кIы Кощхьэблэ районым илIыкIоу Ожъ Айщэт. Джырэ уахътэм ар апэрэ чIыпIэм щыт, ау джыри ешIэгъухэр яIэщтых. Iофтхьабзэр мэ­къуогъум и 24-м аухыщт.

ТекIоныгъэр къыдэзыхы­гъэхэм Къыблэ федеральнэ шъолъырым щыкIощт зэнэ­къокъухэм Адыгеир къыща­гъэлъэгъонымкIэ фитыныгъэ яIэщт.