Мэкъуогъум и 25-м Урысыем ишъо­лъыр­хэм зэкIэми Iофтхьабзэу «ЩыIэныгъэм екIурэ лъэбэкъу минипшI» зыфиIорэр ащыкIощт.

Ащ кIэщакIо фэхъугъэр ­лъэпкъ псауныгъэм и Лиг ары. Ащ IэпыIэгъу къыфэхъугъэх УФ-м псауныгъэр къэухъумэгъэнымкIэ ыкIи транспортымкIэ иминистерствэхэр.

Илъэс къэс, Iофтхьабзэр зыщыкIорэ мафэм, Урысыем икъэлэ пчъагъэхэм ащыпсэухэ­рэр псауныгъэм имаршрутхэм атехьэх, ахэм лъэбэкъу 10000 къакIу. Пшъэрылъ шъхьаIэр тицIыфхэм япсауныгъэ агъэпы­тэныр, къаухъумэныр ары.

Мыщ шъухэлэжьэным пае сайтэу «www.10000шагов.рф» зыфиIорэм зыщышъутхын фае. Мыекъуапэ щырагъэкIокIыщт Iофтхьабзэр Урысые Олимпийскэ мафэм фэгъэхьыгъэщт, ащ изэхэщэнкIэ IэпыIэгъу къа­фэ­хъущт АР-м и Олимпийскэ со­вет. Ар мэкъуогъум и 25-м, пчэдыжьым сыхьатыр 9-м, республикэм икъэлэ шъхьаIэ игупчэу «Зэкъошныгъэм» щы­ра­гъэжьэнышъ паркым щау­хыщт.

ЗэхэщакIохэм зэрагъэнэфагъэу, Iофтхьабзэм хэлажьэ­хэ­рэм шIухьафтынхэр къахьынхэ алъэкIыщт. Мыщ фэгъэхьыгъэ игъэкIотыгъэ къэбар ижъугъо­тэщт Мыекъуапэ физическэ культурэмкIэ ыкIи спортымкIэ и Комитет исоциальнэ хъытыу.

БЗЭШIУ Асхьад.