Гимнастрадэ шIыкIэм тет дунэе зэнэкъокъухэр гимнастикэм иордэунэу Ирина Винер-Усмановам ыцIэ зыхьырэм щыкIуагъэх.

Москва щызэхащэгъэ финал едзы­гъом къэлэ 50-мэ якупи 100 фэдиз хэлэжьагъ, ахэр зэкIэмкIи нэбгырэ мини 2-м ехъу, аныбжь илъэси 5-м щыублагъ ыкIи нахьыжъых.

Спортсменхэм якъэгъэлъэгъонхэм уасэ афашIыгъ Олимпиадэхэм ыкIи дунэе зэнэкъокъухэм ячемпионкэ­хэм, дунаим икубокхэм ыкIи Гран-при едзыгъохэм хагъэунэфыкIырэ чIыпIэхэр къащыдэзыхыгъэхэм.

Адыгеир къэзыгъэлъэгъуагъэхэр спорт еджапIэу В.С. Максимовым ыцIэ зыхьырэм зыщызыгъасэхэрэр ары. Едзыгъоу «Спортым игимнастическэ лъэныкъохэр» зыфиIорэм Мыекъуапэ илIыкIохэм (нэбгырэ 30) къагъэхьазырыгъэ номерэу «Десант батальоныр» анахь дэгъухэм ахалъы­тагъ ыкIи Гимнастрадэм игала-концерт къыщагъэлъэгъуагъ. Тиспорт­сменкэхэм я 5-рэ чIыпIэр къыда­хыгъ. Адыгеим илIыкIохэм апэ ишъыгъэх къалэу Москва, Рязанскэ, Нижегородскэ ыкIи Московскэ хэкухэм якомандэхэр.

БЗЭШIУ Асхьад.