Физкультурэ-спорт комплексэу «IофшIэным ыкIи зыкъэухъумэ­жьы­ным сафэхьазыр» зыфиIорэм итхьамафэ мэкъуогъум и 19-м ще­гъэжьа- гъэу и 25-м нэс Мыекъуапэ щыкIощт. Шапхъэхэр зыты зышIоигъохэр республикэ стадионэу «Зэкъошныгъэм» къекIолIэнхэ, пчэдыжьми пчыхьэми заушэтын алъэ­кIыщт. Шапхъэхэр зэрифэшъуашэу зы­тыхэрэм дышъэ, тыжьын ыкIи джэрз бгъэхалъхьэхэр аратыщтых. Iофтхьабзэм хэлэжьэщтхэм мэкъуогъум и 18-м нэс зарагъэ­тхын алъэкIыщт. Мыщ фэгъэхьыгъэ игъэкIотыгъэ къэбар ижъу­гъотэщт къалэу Мыекъуапэ физическэ культурэмкIэ ыкIи спортымкIэ и Комитет исоциальнэ хъытыу. 2023-рэ илъэсымкIэ мы Iоф­тхьабзэр яплIэнэрэу зэхащэ. Не­пэрэ мафэм ехъулIэу ащ хэлэ­жьэнхэу Адыгеим икъэлэ шъхьаIэ щыпсэурэ нэбгырэ 72-мэ зарагъэтхыгъ. БЗЭШIУ Асхьад.