Адыгеим испортсменхэм апэрэ чIыпIиплI къащыдахыгъ Апшеронскэ районым щыкIогъэ зэнэкъокъухэм.

Ащ хэлэжьагъэх Краснодар краир ыкIи Адыгэ Республикэр къэзыгъэлъэгъогъэхэ Апшеронскэ, Лэ­бэпэ, Теуцожь ыкIи Кощхьэблэ районхэр. Аныбжь елъытыгъэу ахэр купищэу гощыгъагъэх, зэкIэмкIи нэбгырэ 50 фэдиз хъущтыгъэх. КIалэхэм язэнэкъокъу респуб­ликэм илIыкIохэм текIоныгъэр къы­щыдахыгъ. Апэрэ чIыпIэр афагъэшъошагъ Бзаго Дамир, Артем Вариводиным ыкIи ЯхъулIэ Нарт. Пшъашъэхэм къахэщыгъэр Чэтэо Альбин, ащ текIоныгъэр къыди­хыгъ. Спортсмен ныбжьыкIэхэм Мыекъуапэ ыкIи Теуцожь районым арыт спорт еджапIэхэм защагъасэ, тренерхэр Бзаго Рустамрэ КIыкI Бислъанрэ. БЗЭШIУ Асхьад.