РафтингымкIэ Мыекъуапэ изэIухыгъэ кубок икъыдэхын фэгъэхьыгъэ зэнэкъокъухэр дендрологическэ паркэу П. Букреевым ыцIэ зыхьырэм апэрэу щызэхащэщт.

[caption id="attachment_134344" align="aligncenter" width="800"] Букреевым ыцIэ зыхьырэ паркым ихъарзынэщ.[/caption]

Iофтхьабзэм икIэщакIох АР-м рафтингымкIэ ыкIи гребной слаломымкIэ и Федерацие, Адыгэ къэралыгъо университетым физическэ культурэмрэ дзюдомрэкIэ и Институт, Адыгеим икъэ­ралыгъо бюджет учреждениеу «Паркэу П. В. Букреевым ыцIэ зыхьырэр».

Зэнэкъокъухэр мэкъуогъум и 18-м рагъэкIокIыщтых, ахэм ахэ­лажьэхэрэм лъэныкъуищкIэ зау­шэтыщт. Iофтхьабзэм къырагъэ­благъэх нэбгыри 4 — 6 хъурэ командэхэр.

— Непэрэ мафэм ехъулIэу зэнэкъокъухэм ахэлэжьэнхэу команди 7 ттхыгъэ. Адыгеим ыкIи Краснодар краим якомандэ тIурытIу, Адыгэ къэралыгъо университетым иеу 3, — къыIуагъ АР-м рафтингымкIэ ыкIи гребной ­слаломымкIэ и Федерацие ипащэу Петр Фешиным.

Ащ зэрэхигъэунэфыкIыгъэмкIэ, зэнэкъокъухэр рагъэжьэ­фэхэкIэ ащ хэлажьэ зышIоигъохэм ялъэIу тхылъхэр аштэщтых. Iофтхьабзэр пчэдыжьым сыхьатыр 11-м аублэщт. Паркыр зыдэщыIэр Джэджэ районым ипсэупIэу Гончаркэр ары.

БЗЭШIУ Асхьад