Урым-рим бэнэнымкIэ Европэм изэнэ­къо­къухэм ахэлэжьэгъэхэ Адыгеим испортсменхэу Хьатит Муратрэ Нэхэе Рэмэзанрэ хагъэунэфыкIырэ чIыпIэхэр къыдахыгъэх. [caption id="attachment_134315" align="aligncenter" width="800"] АР-м физическэ культурэмкIэ ыкIи спортымкIэ и Комитет.[/caption] Адыгэ Республикэм и ЛIышъхьэу КъумпIыл Мурат сэнаущыгъэ зыхэлъ ыкIи гъэхъэгъэшIу зышIыгъэ тибэнакIохэм афэгушIуагъ. Зэнэкъокъухэр Республикэу Албанием икъа­лэу Тирана щыкIуагъэх. Адыгеим илIыкIохэм чанэу зыкъагъэлъэгъуагъ, IэпэIэсэныгъэшхо зэрахэлъыр джыри зэ къагъэшъыпкъэжьыгъ. Хьатит Мурат дышъэ медаль къыхьыгъ, Нэхэе Рэмэзан ящэнэрэ чIыпIэр къыдихыгъ. — Тиспортсменхэм ыкIи ахэм ятренерхэм ягъэхъагъэхэм Адыгеир арэгушхо. Спортым ылъэныкъокIэ республикэм ыкIи къэралыгъом хэхъоныгъэ ашIыным медалэу къахьырэ пэпчъ фэIорышIэ. ТикIалэхэм, ахэр зы­гъасэхэрэм сафэгушIо, тапэкIи гъэхъэгъэшIухэр ашIынхэу ыкIи псауныгъэ пытэ яIэнэу сафэлъаIо, — къащитхыгъ респуб­ликэм ипащэ социальнэ хъытыухэм.