Кушъхьэфэчъэ спортымкIэ Урысыем изэнэкъокъу хэлэжьэгъэ Адыгеим испорт­сменкэ ныбжьыкIэ дышъэ медаль къыхьыгъ.

Санкт-Петербург къыщызэIуахыгъэ трекэу «Лекосфинкс» зыфиIорэм щыкIогъэ зэнэкъокъухэм Москва, Санкт-Петурбург, Омскэ, Ростов ыкIи Тульскэ хэкухэм, Адыгеим, Удмуртием ялIыкIохэм защаушэтыгъ. Адыгеир къэзыгъэлъэ­гъуа­гъэр Алексей Войновым ыгъэсэрэ спортымкIэ мас- те­рэу Таисия Чуренковар ары. Тиспортсменкэ зыхэлэжьэгъэ лъэныкъоу скретчым псынкIэу укъыщычъэн ыкIи угупшысэн фае. Гъогу­уанэм икIыхьагъэ километ- ри 10. Т. Чуренковам спорт­сменкипшI къенэкъокъугъ, ахэм ащыщэу 6-р спортымкIэ мастерых. Адыгеим илIыкIо пстэуми къахэщыгъ ыкIи те­кIоныгъэр къыдихыгъ. ЯтIонэрэ чIыпIэр къыфа­гъэшъошагъ Омскэ хэкум испорт­сменкэу Мария Иванцовам, ящэнэрэ хъугъэ Москва щыщ Татьяна Маль­ковар. БЗЭШIУ Асхьад.