ФутболымкIэ Урысыем ипервенствэ иятIонэрэ лигэ хэлэжьэрэ Мые­къопэ «Зэкъошныгъэм» мы мафэхэм къалэу Ессентуки ешIэгъу щы­риIагъ.«Машук-КМВ» (Пятигорск) — «Зэкъошныгъ» (Мыекъуапэ) —0:0 (0:0).

Командэхэм ащешIагъэхэр: «Машук-КМВ»: Карамзин, Строганов (Тимаков), Абдулаев, Шестаков, Короев, Давидчук, Ходарченко (Воробьев), Цакоев (Каспарян), Романенко, Айметдинов, Апозян. «Зэкъошныгъ»: Хачиров, Гусенгаджиев, Магомедбеков, Николаев, Оразаев, Малкандуев (Антоненко), Байрамян (Кири­ленко), Пекъо (Iащэ), Датхъужъ, Къонэ, Делэкъу.

ЗэIукIэгъур гъэшIэгъонэу кIуагъэ пфэIощтэп. Мы илъэс ешIэгъумкIэ аужырэ зэIукIэгъоу коман­дэхэм яIагъэр нахь зэIу­хыгъэу кIоным футболыр зыгу рихьыхэрэр щыгугъыгъэх, ау такъикъ 90-м къыкIоцI зыми Iэгуаор къэлапчъэм дидзэн ылъэ­кIыгъэп. Я 89-рэ такъикъым «Зэ­къошныгъэм» щешIэрэ Раджаб Гусенгаджиевыр ешIапIэм рагъэкIыгъ, ау бысымхэм ар къашъхьэпагъэп, зэIукIэгъур 0:0-у аухыгъ.

— Мы ешIэгъум очкоуи 2 ­къы­щычIэтынагъэу сэлъытэ. Iэ­гуаор хъагъэм итыдзэнымкIэ тэ нахь амалыбэ тиIагъ, — къыIуагъ «Зэкъошныгъэм» итренер шъхьа­Iэу Беслан Аджинджал.

Адыгеим икомандэ шъхьаIэ итренер къызэриIуагъэмкIэ, 2022 — 2023-рэ илъэс ешIэгъухэм язэфэхьысыжьхэм уагъэрэзэнэу щытэп. Тикомандэ аужырэ зэ­IукIэгъуи 6-у иIагъэм щыщэу 4-р шIуахьыгъ. Ащ къыхэкIыкIэ купым я 4-рэ чIыпIэр щиубытыгъ. Первенствэм зэфэхьысыжьхэр фэпшIымэ, ащ хэлэжьэрэ командэ 13-м азыфагу «Зэкъошныгъэм» я 10-рэ чIыпIэр щиубытыгъ.

Купэу 1Б-м хэт командэхэр чIыпIэу зыдэщытхэр ыкIи очко пчъагъэу рагъэкъугъэр:

1. «СКА» — 32 2. «Спартак-Нальчик» — 32 3. «Легион» — 32 4. «Зэкъошныгъ» — 25 5. «Динамо Ставрополь» — 21 6. «Машук-КМВ» — 19 7. «Алания-2» — 11.