Адыгеим и ЛIышъхьэу КъумпIыл Мурат республикэм ибоксерхэу Урысыем ичемпион хъугъэхэм афэгушIуагъ.

Тишъолъыр испортсменхэу Евгений Жоровымрэ Мушег Баяндурянрэ ныбжьыкIэхэм язэнэкъокъу дышъэ медальхэр къыщахьыгъэх. — Спортсменхэм ыкIи ахэр зыгъасэхэрэм сафэгушIо, тапэкIи гъэхъэгъакIэхэр ашIынхэу афэсэIо, — къащитхыгъ республикэм ипащэ социальнэ хъытыухэм. Урысыем ичемпион хъугъэхэ Евгений Жоровымрэ Мушег Баяндурянрэ Европэм ичемпионатэу Азербай­джан щыкIощтым Урысыер къыщагъэлъэгъонэу фитыныгъэ къыдахыгъ.