Къыблэ федеральнэ шъолъырым ичемпионат хэлэжьэгъэ Адыгеим испортсменэу Игорь Ионовым ятIонэрэ чIыпIэр къыдихыгъ. Зэнэ­къокъухэр мэкъуогъум и 6-м щегъэжьагъэу и 10-м нэс къалэу Астрахань щыкIуагъэх.

Килограмм 92-м нэс къэзыщэчыхэрэм азыфагу щыкIогъэ зэIукIэгъухэм спортымкIэ мастерэу И. Ионовым дэгъоу за­къыщигъэлъэгъуагъ, медаль къы­хьыгъ.

Урысыем изаслуженнэ тренерэу Владимир Овчинниковым ыгъэсэрэ тибоксер гъогогъуитIо турнирым зыщиушэтыгъ. Апэрэ зэIукIэгъоу иIагъэм текIоныгъэр къыщыдихыгъ ыкIи финалым ихьагъ. Ащ щыIукIагъ Волгоград хэкум илIыкIоу Никита Даниловым. Тиспортсмен ухьазырыныгъэ дэгъу къыгъэлъэгъуагъ нахь мышIэми, Н. Даниловыр нахь лъэшэу къычIэкIыгъ. Тибоксер тыжьын медаль къыфагъэшъошагъ.

БЗЭШIУ Асхьад.