Адыгеим ихъулъфыгъэ командэу «Фишт-АГУ» зыфиIорэм теннис цIыкIумкIэ Урысыем икоманднэ чемпионат и Премьер-лигэрэ и Супер-лигэрэ къадыхэлъытэгъэ ешIэгъуитIу мы мафэхэм иIагъ ыкIи ахэр шIуахьыгъэх.

ЗэIукIэгъухэр Мыекъуапэ щыкIуагъэх. Апэрэр пчэдыжьым кIуагъэ, ятIонэрэр — пчыхьэм.

Тикомандэ зыIукIагъэр къалэу Верхняя Пышма къэзыгъэлъэгъорэ «УГМК-Резерв» зыфиIорэр ары. Бысымхэм ешIэгъуитIури ахьыгъ пчъагъэр 3:0-у.

Сет 20-у иIагъэм щыщэу тикомандэ къыхьын ылъэкIыгъэр 2-р ары ныIэп. ЗэIукIэгъухэм яплъы­гъэх спорт еджапIэхэм защызыгъа­сэхэрэр ыкIи теннис цIыкIур зыгу рихьыхэрэр.

ЕшIэгъухэм ауж спортсменхэм аготхэу фаехэм нэпэеплъ сурэтхэр зытырахынхэ амал яIагъ.

БЗЭШIУ Асхьад.