Общественнэ организациеу «Адыгэ Республикэм футболымкIэ и Федерацие» зэхэсыгъоу иIагъэм мыщ итхьамэтакIэ щыхадзыгъ. Ар Хьакъунэ Нурбый. Футболыр зыгу рихьыхэрэм мыщ ыцIэ дэгъоу ашIэ, илъэс зэкIэлъыкIохэм Мыекъопэ «Зэкъошныгъэм» итренерэу щытыгъ. А уахътэм, 1992 – 1993-рэ илъэхэм, Адыгеим икомандэ Урысыем и Кубок икъыдэхынкIэ финалныкъом нэсыгъагъ. Джырэ уахътэм командэу «Краснодар» зыфиIорэм игенеральнэ пащэ игуадзэу Iоф ешIэ. Шъугу къэдгъэкIыжьын, илъэс пчъагъэхэм къакIоцI Адыгеим футболымкIэ и Федерацие ипэщагъэр Николай Походенкэр ары. БЗЭШIУ Асхьад.