Тиспортсмен финалым ихьагъ
Къыблэ федеральнэ шъолъырым ичемпионат хэлэжьэрэ Адыгеим ибоксерэу Игорь Ионовыр финалым ихьагъ. Мы мафэхэм зэнэкъокъур къалэу Астрахань щэкIо.
Килограмм 92-м нэс къэзыщэчыхэрэм ахэт И. Ионовыр Ростов хэкум илIыкIоу Гамзат Магомедовым текIуагъ. Джы ар финалым щыIукIэщт Волгоград хэкум испортсменэу Никита Даниловым. Ащ щытекIорэм апэрэ чIыпIэр къыдихыщт.
Шъолъыри 8-мэ къарыкIыгъэ спортсмен 200 чемпионатым хэлажьэ. Адыгеир къэзыгъэлъагъохэрэр Игорь Ионовымрэ Сергей Врадийрэ. Ахэр зыгъасэхэрэр Урысыем изаслуженнэ тренерэу Владимир Овчинниковымрэ Адыгэ Республикэм боксымкIэ ихэшыпыкIыгъэ командэ итренер шъхьаIэу Александр Кимрэ.