Мы спорт лъэпкъымкIэ Урысые зэнэкъокъухэу Самарэ щыкIуагъэхэм Адыгеим испортсменкэхэм медалитIу къащахьыгъ.

Турнир иным республикэр къыщызыгъэлъэгъуагъэхэр олимпийскэ резервым испорт еджапIэу В.С. Максимовым ыцIэ зыхьырэм зыщызыгъасэхэрэр ары. Тренерхэу Яна Цеханович ыкIи Яна Кост агъасэхэрэр купхэм ыкIи шъхьэ­зэкъо зэнэкъокъухэм ахэлэжьагъэх.

Медальхэр къахьыгъэх Милена Капковамрэ Елизавета Годынюкрэ. М. Капковам илъэс 13 ыныбжь, ежь на­хьыжъхэм ар янэкъокъугъ ыкIи ятIонэрэ чIыпIэр къыдихын ылъэкIыгъ. ЗэкIэмкIи мы купым нэбгыри 135-рэ хэ­тыгъ. Джащ фэдэу Е. Годынюк ты­жьын медаль къыфагъэшъо­шагъ.

Типшъашъэхэм, ахэм ятренерхэм тафэгушIо, тапэкIи гъэ­хъэгъэшIухэр ашIынхэу афэтэIо.