Тикомандэ Мыекъуапэ щыIукIагъ Махачкала къэзыгъэлъэгъорэ «Легионым». ХьакIэхэм мы аужырэ уахътэм ешIэкIэ дахэ къагъэлъагъо ыкIи аужырэ зэIукIэгъуитфыр ахьыгъ.

«Зэкъошныгъ» — «Легион» — 1:4 (0:2).

Тикомандэ щешIагъэхэр: Т. Хачиров, У. Магомедбеков, Д. Николаев, И. Кириленко, (А. Къонэ), Д. Антоненко (А. Iащэ), А. Малкандуев (Р. ХъуакIо), А. Датхъужъ, Л. Байрамян (Н. Шус­тов), И. Пекъ (А. Зезэрахь), И. Оразаев, А. Делэкъу.

Я 11-рэ такъикъым тикомандэ икъэлапчъэ Iэгуаор къыдадзагъ, ащ ыуж бэ темышIэу хьакIэхэм ятIонэрэ Iэгуаор хъагъэм ра­дзагъ. ЯтIонэрэ таймым «Легионым» гъогогъуитIо Iэгуаор къэлапчъэм дидзагъ, хьакIэхэм нахь къахэщыгъэр Гаджимурад Абдулаевыр ары. «Зэкъошныгъэм» щешIэрэ Делэкъо Аскэр зэ Iэгуаор ди­-дзагъ. Пчъагъэр 1:4-у зэIукIэ­гъур аухыгъ.

Командэхэм очко пчъагъэу рагъэкъугъэр ыкIи чIыпIэу зыдэщытхэр:

1. СКА» — 32, 2. «Спартак-Налщык» — 29, 3. «Легион» — 29, 4. «Зэкъошныгъ» — 24, 5. «Динамо Ставрополь» — 21, 6. «Машук КМВ» — 18, 7. «Алания-2» — 11.