Мы мафэхэм Мыекъуапэ спортым ифестиваль щыкIуагъ, физкультурэ-спорт комплексэу «IофшIэным ыкIи зыкъэухъумэжьыным сафэхьазыр» зыфиIорэм ишапхъэхэм ятын ащ къыдыхэлъытагъэу щытыгъ.

Зэнэкъокъум илъэныкъуищ нэбгыри 150-рэ ахэлэжьагъ. Физкультурэ-спорт комплексэу «Iоф­шIэным ыкIи зыкъэухъумэжьы- ным сафэхьазыр» зыфиIорэм кIэлэцIыкIу 44-мэ зыщаушэтыгъ. Аныбжь елъытыгъэу ахэр зэ­теутыгъа­гъэх ыкIи анахь дэгъу­-хэм дипломхэр, медальхэр афагъэшъошагъэх.

«Велобиатлоным» командэ 40 хэлэжьагъ. КIэлэцIыкIухэр пштэмэ, анахь дэгъоу зыкъэзыгъэлъэгъуа­гъэхэр Родион ыкIи Мирослав Бобрикхэр ары. «Нахьыжъхэр ыкIи кIэлэцIыкIухэр» зыфиIорэ купым щытекIуагъэх Александр ыкIи Дмитрий Тынянскэхэр.

Теннис цIыкIумкIэ нэбгырэ 25-рэ зэнэкъокъугъ. ТекIоныгъэр къыдахыгъ Артем Вариводиным, Александр Самсоновым, Ирина Славновам ыкIи Анастасия Гоголевам.