Къалэу Краснодар фехтованиемкIэ изэIухыгъэ зэнэкъокъу мы мафэхэм зэхащагъ. Тэхъутэмыкъое районым испорт еджапIэу N 2-м икомандэ ащ дэгъоу зыкъыщигъэлъэгъуагъ ыкIи медальхэр къыхьыгъэх.

Олимпиадэ джэгунхэм къащыгъэлъэгъогъэ мы спорт лъэпкъыр Адыгеим къызихьагъэр бэшIагъэп – 2019-рэ илъэсым иIоныгъу. Ау тиспортсменхэм ягъэхъагъэхэмкIэ, якъэгъэлъэгъонхэмкIэ тагъэгушIо.

Краснодар щыкIогъэ зэнэкъокъум тилIыкIохэм тыжьын медальхэр къыщыдахыгъэх. ХагъэунэфыкIырэ чIыпIэхэр къафагъэшъошагъэх Ярослава Макаренкэм, Мамый Радмирэ, Ярослава Мясищевам.

Типшъашъэхэм, ахэр зыгъасэхэрэм тафэгушIо, тапэкIи гъэхъэгъэ­шIухэр ашIынхэу, лъэгэпIэ инхэм анэсынхэу афэтэIо.