Мэкъуогъум и 3-м Мыекъуапэ спортым ифестиваль щыкIощт, физкультурэ-спорт комплексэу «IофшIэным ыкIи зыкъэухъумэжьыным сафэхьазыр» зыфиIорэм ишапхъэхэм ятын ащ къыдыхэлъытэгъэщт.

Илъэси 6-м щегъэжьагъэу 17-м нэс зыныбжьхэр Iофтхьабзэм хэлэжьэнхэ алъэкIыщт. Программэм физкультурэм ыкIи спортым япхыгъэ лъэныкъуищ къыдыхэлъытэгъэщт.

Фестивалыр стадионэу «Зэкъошныгъэм» щыкIощт, физкультурэ-спорт комплексэу «IофшIэным ыкIи зыкъэухъумэжьыным сафэхьазыр» зыфиIорэм ишапхъэхэм ятынкIэ къэзэрэугъоихэрэм заушэтын алъэ­кIыщт.

Нэужым фестивалым хэлажьэхэрэр республикэ шахмат клубым дэжь щызэрэугъоищтых, «Велобиатлон» зыфиIорэ Iофтхьабзэм хэлэжьэщтых. Мы чIыпIэ дэдэм теннис цIыкIумкIэ щызэнэкъокъущтых.

Фестивалым изэхэщакIоу Мыекъуапэ физическэ культурэмкIэ ыкIи спортымкIэ и Комитет къыгъэхьазырыгъэ медальхэр, дипломхэр ыкIи шIухьафтынхэр ащ хэлажьэхэрэм афагъэшъошэщтых.