КIэлэцIыкIухэм якъэухъумэн и Дунэе мафэ ипэгъокIэу зэхащэгъэ гала-концертэу «Со­кро­вища России» зыфиIорэм Мыекъуапэ испорт еджапIэу В. С. Максимовым ыцIэ зыхьырэм зыщызыгъасэрэ тиспортсменкэ хэлэжьагъ.

Адыгеир Москва къыщызыгъэлъэгъуагъэр гимнасткэу Милена Капковар ары. ЗэлъашIэрэ тренерэу Ирина Винер ыцIэ зыхьырэ гимнастикэм иордэунэ къыщызэрэугъоигъэх сэнаущыгъэ зыхэлъ кIэлэцIыкIухэр. Урысыем ихэшыпыкIыгъэ командэ хэт гимнасткэхэм ягъусэхэу зыкъагъэ­лъэгъон амал яIагъ. Ахэм ахэтыгъэх Олимпиадэ джэгунхэм ятIо­нэрэ чIыпIэр къащыдэзыхыгъэу, дунаим гъогогъу 18-рэ, Европэм гъогогъуи 10 ячемпион­кэу Дина Аверинамрэ ащ ышыпхъоу, зэлъашIэрэ спорт­сменкэу, дунаим ыкIи Европэм ячемпионкэу Арина Аве­ринамрэ.

Джащ фэджэу гала-концертым хэлэжьагъэх Москва итеатрэу «Но­вая Опера» зыфиIорэм исимфоническэ оркестрэ, Владимирскэ камернэ хорыр, лъэпкъ къашъом­кIэ Къэралыгъо академическэ те­атрэу Игорь Моисеевым ыцIэ зыхьырэр, кIэлэцIыкIу хорэу «Аврорэр».