Гъобэкъуае зыщаушэтыгъ
СамбэмкIэ Адыгэ Республикэм ипервенствэ къуаджэу Гъобэкъуае щыкIуагъ.
Теуцожь Цыгъо ыцIэкIэ агъэнэфэгъэ шIухьафтынхэм 2011-рэ илъэсым къэхъугъэ кIалэхэр ыкIи ахэм анахьыкIэхэр фэбэнагъэх.
Зэнэкъокъухэм республикэм ичIыпIэ зэфэшъхьафхэм къарыкIыгъэ спортсмени 105-м ехъу ахэлэжьагъэх. ТекIоныгъэр къыдахыгъ: Шъэумэн Бислъан, Хьатхъохъу Илай, Нэхэе Тамирлан,
ШъэуапцIэкъо Салбый, Бэгъушъэ Астемир, СтIашъу Казбек, Бэгугъэ Ахьмэд, Махо Ренат, Тимур Сархасиади, Георгий Феодосиади, СтIашъу Долэт.
Спортсменхэм ыкIи тренерхэм тафэгушIо, тапэкIи гъэхъэгъэшIухэр ашIынхэу афэтэIо.