КикбоксингымкIэ дунаим ыкIи Европэм ячемпионкэу, джырэ уахътэм профессиональнэ боксымкIэ чемпионкэу, спортымкIэ заслуженнэ мастерэу Светлана Кулаковар Адыгеим къэкIуагъ.

Дунаим щызэлъашIэрэ спортсменкэр ихьакIэщт ныбжьыкIэхэм азыфагу зэхащэгъэ зэнэкъокъоу «Юность Майкопа» зыфиIорэм.

Джащ фэдэу Адыгеим ибзылъ­фыгъэхэм ясоюз зэхищэрэ Iофтхьабзэу «100 минут диалога с успешной женщиной» зыцIэм хэлэжьэщт.

Ар жъоныгъуакIэм и 28-м Адыгэ къэралыгъо университетым физическэ культурэмкIэ ыкIи дзюдомкIэи Институт щыкIощт.

Шъугу къэдгъэкIыжьын, Светлана Кулаковар 2021-рэ илъэсым пандемием илъэ-­хъан Адыгеим щыIагъ ыкIи республикэм ибоксер ныбжьыкIэхэм апае мастер-класс зэхищэгъагъ.