Пхъашэу агъэпщынэщтых
ЩынэгъончъэнымкIэ федеральнэ къулыкъум и ГъэIорышIапIэу АР-м щыIэм цIыфхэм макъэ арегъэIу бзэджэшIэ куп зэхэзыщэхэрэм е ащ хэлажьэхэрэм уголовнэ Iоф зэрэрагъэхьыщтымкIэ.
Санкцием къызэригъэнафэрэмкIэ, мыщ фэдэ бзэджэшIагъэ зезыхьагъэхэр опсэуфэхэ хьапсым чIэсыщтых.
БзэджэшIэ сообществэ (бзэджэшIэ организацие) зэхэзыщагъэхэр е ахэм ахэлажьэхэрэр къызэрэбгурыIощтыр куп зэхэтхэм хэушъхьафыкIыгъэ мурад яIэу бэ хъурэ ахъщэр ыкIи мылъкур къызIэкIагъэхьанымкIэ бзэджэшIэгъэ хьылъэ ыкIи хьылъэ дэдэхэр зэрэзэрахьэхэрэр ары.
Структурэ гъэнэфагъэ иIэу сообществэр гъэпсыгъэныр къызэрэбгурыIощтыр: гущыIэм пае, бзэджэшIагъэ зэрахьанэу план гъэуцугъэным ыкIи ащ икъычIэгъэщын пэшIуекIогъэныр; сообществэм инэмыкI купхэм зэгурыIоныгъэ яIэным фэIорышIэныр; хэбзэухъумэкIо къулыкъум, къэралыгъо ыкIи муниципальнэ къулыкъухэм яIофышIэхэу къолъхьэ тын-Iыхыным хэщагъэхэм зэпхыныгъэ адыряIэныр.
БзэджэшIэ купхэм язэхэщакIохэм, ахэм япащэхэм ыкIи нэмыкI зэхэщэкIо купхэм ялIыкIохэм пшъэдэкIыжь арагъэхьыщт. зэхэщакIохэр, пащэхэр, нэмыкI зэхэщэкIо купхэм ялIыкIохэу бзэджэшIэ иерархием апшъэрэ чIыпIэ щызымыIыгъхэр агъэпщынэщтых.
Структурнэ подразделением хэтхэр, бзэджэшIэ сообществэм хэлажьэхэу ыкIи ащ хэтхэзэ мамыр цIыфхэм е организациехэм атебэнэн мурад яIэу уIэшыгъэ бзэджэшIэ куп зэхэзыщагъэхэр УФ-м и Уголовнэ кодекс истатья къызэригъэнафэу пхъашэу агъэпщынэщтых.
ЩынэгъончъэнымкIэ федеральнэ къулыкъум и ГъэIорышIапIэу АР-м щыIэм ипресс-къулыкъу.