Хьыкум приставхэм я Федеральнэ къулыкъу АдыгеимкIэ и ГъэIорышIапIэрэ Адыгэ къэралыгъо университетымрэ зэзэгъыныгъэу зэдашIыгъэм къыдыхэлъытагъэу республикэм ихьыкум пристав шъхьаIэу Александр Ихно апшъэрэ еджапIэм июридическэ факультет ия V-рэ курс ис студентхэм зэIукIэгъу адыриIагъ.

Александр Ихно университетыр къэзыухырэ ныбжьыкIэхэм гущыIэгъу афэ­хъугъ, хьыкум приставхэм яинститут тарихъэу пылъыр, пшъэры­лъэу зыфигъэуцужьы­хэрэр къафиIотагъ.

ЗэIукIэгъум икIэух ГъэIорышIапIэм ипащэ къэзэрэугъоигъэхэм упчIэу къаты­гъэхэм яджэуапхэр къаритыжьыгъ, джащ фэдэу къулыкъум хахьэ зышIоигъохэм анахьэу анаIэ зытырагъэтын фэе лъэныкъохэм къащыу­цугъ.

Хьыкум приставхэм я Федеральнэ къулыкъу АдыгеимкIэ и ГъэIорышIапIэ ипресс-къулыкъу.

БЗЭШIУ Асхьад.