СамбэмкIэ Къыблэ федеральнэ шъолъырым ипервенствэ жъоныгъуакIэм и 17 – 19-м Ермэлхьаблэ щыкIуагъ. Илъэс 12 – 14 зыныбжь пшъашъэхэр ыкIи кIалэхэр ащ хэлэжьагъэх. Адыгэ Республикэм испортсменхэм гъэхъэгъэшIухэр ашIыгъэх.

ТекIоныгъэр къыдахыгъ Заурбый Карабашевым (тренерхэр Е. А. Демченкэр, Р. Н. Джарымэкъу), СултIанэ Салбый (М. Х. ХызэлI), ЦIыкIу Аскэр (А. Б. Хьабэхъу), Шъэумэн Якъуб (А. К. Нэгъуцу). Ящэнэрэ чIыпIэр къыдахыгъ Бэгъ Астемир (зыгъасэрэр А. А. Гъомлэшк), КIыкI Даур (А. Б. Хьабэхъу), Бжьэц Самир (М. Дэгу­жъый), Нэхэе Артур (А. Р. НатIыжъ). Урысыем ипервенствэ хэлэжьэнхэу тибэнакIохэм фитыныгъэ къыдахыгъ. Ар мэкъуогъум ипэублэ къалэу Кстово щыкIощт.

*** Урысые зэнэкъокъухэу къалэу Саратов щыкIуагъэхэм илъэс 14 – 16 зыныбжь кIалэхэр ахэлэжьагъэх. Къэралыгъом ишъолъыр зэфэшъхьафхэм къарыкIыгъэ спортсмен 200-м ехъумэ заушэтыгъ. Адыгеим икомандэ хэтхэм ухьазырыныгъэ дэгъу къагъэлъэгъуагъ. ТекIоныгъэр къыдихыгъ Хьабэхъу Салбый (тренерыр Хьабэхъу Адам), ятIонэрэ чIыпIэр къыфагъэшъошагъ Апыщ Ислъам (зыгъасэхэрэр Делэкъо Адамрэ Шъэумэн Байзэтрэ), ящэнэрэ хъугъэ Хьакъуй Эльдар (Гъомлэшк Алый), джащ фэдэу ятфэнэрэ чIыпIэр къыдихыгъ КIыкI Долэт (Дэхъужь Хъызыр ыкIи Хьабэхъу Адам).

Спортсменхэм ыкIи ахэм ятренерхэм тафэгушIо, тапэкIи мыщ фэдэ гъэхъэгъэшIухэр ашIынхэу афэтэIо.