Я VII-рэ Урысые Iофтхьабзэу «Забег.РФ» зыфиIорэм хэлэжьэнэу Мыекъуапэ зегъэхьазыры. Ар мэкъуогъум и 4-м рагъэкIокIыщт.

Мыекъуапэ физическэ культурэмкIэ ыкIи спортымкIэ и Комитет мы Iофтхьабзэм хэлэжьэнхэу чъэныр зыгу рихьыхэрэр зэкIэ регъэблагъэх. Ащ пае сайтэу «забег.рф» зыфиIорэм зыщы­шъутхын, шъузщыпсэурэ къалэр ишъутхэн фае.

Гъогууанэм икIыхьагъэ зэфэшъхьафыщт: зы километр, км 5, км 10, км 21,1-рэ. Маршрутыр республикэ стадионым ыкIи къэ­лэ гупчэ паркым апхырыкIыщт.

ЗэхэщакIохэм зэрагъэнэфа­гъэмкIэ, спортсмен ныбжьыкIэхэм нахьыжъхэр ягъусэнхэ, ащ дакIоу ахэм затхын ыкIи Iофтхьабзэм зэрэхэлажьэхэрэр къэзыушыхьатырэ билет аIыгъын фае. Ащ ыпкIэ птын ищыкIагъэп.