(Зытхыжар Бемырзэ Зурабщ) Уэрыншэу хэт си махуэр ириIэнут Уи плъыфэр си гукъеуэу щымытам… Саур къамэкIыр къыпIэщIэмыхуам ЩIы хъуреижьыр сытым иуIэнут? Зэгуэрэм зэрызэпцIрэ мы дунейр Мы уафэм Тхьэ къекIурэхыу ялъэгъуакъым Уэр мыхъумэ. Си гущIагъми къыщIэхуакъым Биишэр хъыбар фIыцIэу къыщежьам БлэкIатэкъым, сазын, си гу бжэIупэм, ЗэбгъэзэкIати мы уафэжь лэгъупыр Уанэшым тхьэуэ ущекIурэхыжам. Сыздэшэ уи дуней бгъэгупэжам, Ахърэт бжэIупэм щыдгъэщIыж удж фIыцIэ, Сызыхьыжын, къихьыну пIэрэ уи цIэр Уи гъащIэр а псэхэх зыжепIэжам, ТхьэгъэпцI сызыщIу къуалэу лъэтэжам Уи узыр бдэзгуэшын схулъимыгъэкIыу. Кхъужьейщ, кхъужьей лъэлъэжщ ныщхьэби къэкIыр Гугъуанэ уфIыцIа къысхуэбгъэнам…