Мы Iофтхьабзэр зыфэгъэхьыгъагъэр ветеранэу, Урысыем спортымкIэ имастерэу, судьяу Ожъубанэкъо Хьазрэтал, ар спортым зыхэтыр илъэс 50 хъугъэ.

Адыгеим ыкIи Краснодар краим ащыщ нэбгыри 140-рэ фэдиз зэнэкъокъум хэлэжьагъэх. Аныбжь елъытыгъэу ахэр купхэмкIэ зэтыраутыгъэх ыкIи ащ дакIоу къакIун фэе гъогууанэри зэфэшъхьафыгъ — километрэ 1,7-м щегъэжьагъэу 4,9-м нэс. Мыекъуапэ къыпыщылъ чIыпIэхэм Iофтхьабзэр ащырагъэкIокIыгъ.

БзылъфыгъэхэмкIэ анахь лъэшыгъэх Алевтина Старицкаяр, Марина Погореловар ыкIи Екатерина Бутримовар. Хъулъфыгъэхэр пштэмэ, хагъэунэфыкIырэ чIыпIэхэр къыдахыгъэх Семен Агеевым, Алексей Купиным ыкIи Лев Коваленкэм.