ДзюдомкIэ зэIухыгъэ шъо­лъыр турнир къалэу Чер­кесскэ щыкIуагъ.

Мыекъуапэ олимпийскэ резервымкIэ испорт еджапIэу Кобл Якъубэ ыцIэ зыхьырэм зыщызыгъасэхэрэм гъэхъэгъэшIухэр ашIыгъэх, хагъэунэфыкIырэ чIыпIэхэр къыдахыгъэх. Зэнэкъокъур спорт комплексэу «Юбилейнэм» щыкIуагъ.

Зыныбжь илъэс 15-м шIомыкIыгъэхэм язэнэкъокъухэм Урысыем ишъолъыри 6-мэ къарыкIыгъэ спортсмен 700-м ехъу хэлэжьагъ. Адыгеим илIыкIохэм чанэу зыкъагъэлъэгъуагъ, алырэгъум дэгъоу щы­бэнагъэх ыкIи хагъэунэфыкIырэ чIыпIих къыдахыгъ. Ящэнэрэ хъугъэх Юрий Щетинкэрэ Арутюн Авагянрэ, ятIонэрэ чIыпIэр къафагъэшъошагъ Хьакурынэ Даутэрэ Хьалащтэ Ислъамрэ, текIоныгъэр къыдахыгъ Хьасанэкъо Алыйрэ Альберт Лаврентьевымрэ. КIалэхэр зыгъасэхэрэр Хьакурынэхэу Дамиррэ Ларисэрэ.