Адыгеим игъэцэкIэкIо ыкIи ихэбзэгъэуцу къулыкъухэм яIофышIэхэм азыфагу щызэхащэгъэ спартакиадэм иапэрэ едзыгъо Мыекъуапэ щыкIуагъ. КъулыкъушIэхэм футбол ыкIи теннис цIыкIумкIэ, баскетболымкIэ, бильярдымкIэ заушэтыгъ. Зэфэхьысыжь анахь дэгъухэр къэзыгъэлъэгъуагъэр Красногвардейскэ районыр ары. Ащ илIыкIохэр футболым ыкIи баскетболым щатекIуагъэх, теннис цIыкIумкIэ ящэнэрэ хъугъэх. Тэхъутэмыкъое районыр къэзыгъэлъэгъуагъэхэр бильярдымкIэ анахь лъэшыгъэх, баскетболымкIэ ятIонэрэ хъугъэх. Теннис цIыкIумкIэ зэнэкъокъум текIоныгъэр къыщыдэзыхыгъэр Мыекъопэ районыр ары. Iофтхьабзэм иятIонэрэ едзыгъо бжыхьэм рагъэ­кIокIыщт. ЫпэкIэ къызэрэхэдгъэщыгъэу, джырэ уахътэм Красногвардейскэ районым пэрытныгъэр ыIыгъ. БЗЭШIУ Асхьад.