Я 5-у зэхащэщт
Я 5-рэ кушъхьэфэчъэ фестивалыр жъоныгъуакIэм и 6-м Мыекъуапэ щыкIощт.
Iофтхьабзэм фаехэр зэкIэ хэлэжьэнхэ алъэкIыщт, аныбжь илъэси 3-м къыщежьэ. Фестивалым къекIуалIэхэрэм кушъхьэфачъэ яIэн ыкIи укъэзыухъумэрэ пкъыгъохэмкIэ зэтегъэпсыхьэгъэнхэ, джащ фэдэу документ зыдаIыгъын фае.Республикэ шахмат клубым дэжь пчэдыжьым сыхьатыр 9-м щызэрэугъоищтых. Iофтхьабзэр зырагъэжьэщтыр сыхьатыр 10-р ары.
Мыекъуапэ физическэ культурэмкIэ ыкIи спортымкIэ и Комитетрэ кушъхьэфэчъэ спортымкIэ олимпийскэ резервым испорт еджапIэрэ фестивалым кIэщакIо фэхъугъэх.
БЗЭШIУ Асхьад.