Урысыем футболымкIэ ипер­венствэ иапэрэ едзыгъо къы­дыхэ­лъытэгъэ аужырэ ешIэ­гъоу Мыекъопэ «Зэ­къошныгъэм» Ставрополь икомандэу «Динамэм» ды­риIагъэр къыхьыгъ, 2:0-у зэIукIэгъур аухыгъ. Къэлап­чъэм Iэгуаор дэзы­дзагъэхэр Iащэ Анзоррэ Да­ниил Анто­ненкэмрэ.

«Динамо» (Ставрополь) — «Зэкъошныгъ» (Мые­къуапэ) — 0:2 (0:1).

«Зэкъошныгъэм» текIоныгъэр къыдихыгъ нахь мышIэми, зэ­нэкъокъум иапэрэ едзыгъо я 8-рэ чIыпIэр щиубытыгъ, джы ятIонэрэ уцугъом зыфигъэ­хьазырыщт. Тикомандэ джыри ешIэгъуи 6 иIэщт, апэрэ купым хэхьэрэ командэхэу я 7 — 13-рэ чIыпIэхэр къыдэзыхыгъэхэм аIукIэщт.

Зэнэкъокъум иятIонэрэ едзы­гъо къыдыхэлъытэгъэ ешIэгъоу «Зэкъошныгъэм» иIэщтхэр:

ЖъоныгъуакIэм и 7-м — «Зэкъошныгъ» (Мыекъуапэ) — «Алания-2» (Владикавказ), жъо­ныгъуакIэм и 13-м — «Спартак» (Налщык) — «Зэкъошныгъ» (Мыекъуапэ), жъоныгъуакIэм и 23-м — «Зэкъошныгъ» (Мые­къуапэ) — «СКА», жъоныгъуа­кIэм и 29-м — «Динамо» (Ставрополь) — «Зэкъошныгъ» (Мыекъуапэ), мэкъуогъум и 4-м — «Зэкъошныгъ» (Мыекъуапэ) — «Легион», мэкъуогъум и 10-м — «Машук-КМВ» — «Зэ­къошныгъ» (Мыекъуапэ).