Адыгэ Республикэм щыпсэухэу лъытэныгъэ зыфэтшIыхэрэр!

ТичIыпIэгъу лъапIэхэр!

Адыгэ Республикэм и Къэралыгъо быракъ и Мафэ фэшI тышъуфэгушIо!

Адыгэхэм ятамыгъэ шъхьаIэхэм зыкIэ ащыщ быракъым тырэгушхо, ижъырэ адыгэ чIыгум щыпсэухэрэми, зитарихъ чIыгужъ зэпхыныгъэ дызиIэхэми зэфэдэу ар агъэлъапIэ. Уибыракъ плъытэным къикIырэр уитарихъ, уикультурэ, уишэн-хабзэхэр плъытэнхэр ары. ШэкI уцышъоу дышъэ жъогъо пшIыкIутIурэ зэблэдзыгъэ щэбзищрэ зытешIыхьагъэр лIэшIэгъубэ хъурэ тарихъ гъогушхо къэзыкIугъэ адыгэ лъэпъым ынап, ячIыгу гупсэ зэрэфэшъыпкъэхэм, цIыф лъэпкъыбэу республикэм щыпсэухэрэм языкIыныгъэ гъэпытэгъэным, аIэ зэкIэдзагъэу ти Адыгей гупсэрэ ти Хэгъэгушхоу Урысыемрэ джыри нахь зэтегъэпсыхьагъэ хъунхэм тапэкIи зэрэфэлэжьэщтхэм яшыхьат. ТичIыпIэгъу лъапIэхэр, тыгу къыддеIэу зэкIэми тышъуфэлъаIо псауныгъэ пытэ шъуиIэнэу, шъунасыпышIонэу, дунаир мамырынэу, гъэхъэгъакIэхэм шъуакъыфэкIонэу! Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат  Адыгэ Республикэм и Къэралыгъо Совет - Хасэм и Тхьаматэу Владимир Нарожнэр