Адыгэ къэралыгъо университетым физическэ культурэмкIэ ыкIи дзюдомкIэ и Институт къэзыухыгъэхэм я Союз зэхащагъ.

Ащ пащэ фашIыгъ Мые­къопэ гурыт еджапIэу № 3-м ипащэу, зигугъу къэтшIыгъэ апшъэрэ еджапIэр къэзыу­хыгъэу, спортымкIэ дунэе класс зиIэ мастерэу ЛIыпэ Мыхьамэт.

АКъУ-м ипресс-къулыкъу къызэритыгъэмкIэ, Союзым Iофэу ыгъэцэкIэщтхэм ащыщых илъэс зэфэшъхьафхэм Институтым къы­чIа­тIуп­щы­гъэхэр агъэунэфы­жьынхэр, къулыкъушIэ ныбжьыкIэхэм яIофшIэн зэ­рэлъа­гъэкIуа­тэрэм анаIэ тырагъэтыныр, зэхащэгъэ Союзым ха­хьэхэрэр зэгу­рагъэIонхэр ыкIи яшIуагъэ зэрагъэкIыжьыныр, ныбжьыкIэхэм адэлэ­жьэгъэныр, фи­зическэ культурэмкIэ ыкIи дзюдомкIэ Ин­ститутым ще­джэщтхэр къе­щэлIэгъэнхэр.

— Социальнэу, культурнэу ыкIи IэпэIэсэныгъэ ахэлъэу студентхэм адэгущыIэнхэр, зэфыщытыкIэу СоюзыкIэм хахьэхэрэм зэдыряIэщтхэр гъэпытэгъэнхэр, физическэ культурэмкIэ ыкIи дзюдомкIэ Институтым илъэс пчъагъэхэм къычIитIупщыгъэхэр Адыгеим, Краснодар краим ыкIи Урысыем ишъолъырхэм ясообществэхэм ахэ­щэгъэнхэр ары мы Iофтхьабзэм ипшъэрылъхэр, — къы­щаIотагъ АКъУ-м ипресс­-къулыкъу.