Илъэс пчъагъэрэ Мыекъопэ «Зэкъошныгъэм» ще­шIэгъэ Анатолий Абрамовым ыцIэкIэ зэха­щэгъэ зэнэкъокъум иапэрэ финалист къэнэфагъ. Ар командэу «Ошъутенэр» ары.

«Ошъутен» — МФОК-у «Ошъу­тен» — 3:1 (0:1).

«Абрамовым и Кубок» гъогогъуитфэ къыдэзыхыгъэ «Ошъутенэм» финалныкъом щыриIэгъэ зэIукIэгъур къыфэпсынкIагъэу пфэIощтэп, я 16-рэ такъикъым Давид Жирновым чемпионым икъэлапчъэ Iэгуаор дидзагъ. ЕшIэгъур аухынкIэ такъикъ 12 къэнагъэу «Зэкъошныгъэм» ще­шIэщтыгъэ Арсен Таклиевым пчъагъэр зэфэдиз ышIыгъ. Ащ ыуж «Ошъутенэм» хэт футболистхэм гъогогъуитIо Iэгуаор къэлап­чъэм дадзагъ ыкIи 3:1-у текIо­ныгъэр къыдахыгъ.

ЯтIонэрэ финалныкъом щызэIукIэщтых командэхэу «Спортмастер-2-р» ыкIи «Тульскэр». Ащ текIоныгъэр къыщыдэзыхырэр апэрэ чIыпIэм фэбэнэщт.