«Динамо-МГТУ» (Мыекъуапэ) — Нефтехимик (Тобольск) — 78:86 (15:15, 19:29, 22:20, 22:22).

Мыекъуапэ икомандэ «Неф­техимикым» щешIэрэ баскетболист ныбжьыкIэхэм апэшIуекIон ылъэкIыгъэп.

Финалым и 1/4-м мы командэхэр гъогогъуитIо щызэIукIагъэх, Тобольскэ илIыкIохэм ешIэкIэ дахэ къагъэлъэгъуагъ, яфэшъуашэу текIоныгъэр ахьыгъ.

Шъугу къэдгъэкIыжьын, апэрэ зэIукIэгъоу командэхэм яIагъэм «Нефтехимикыр» хэпшIыкIэу нахь щылъэшыгъ, пчъагъэр 100:66-у ешIэгъур аухыгъ. Адыге­им икомандэ ыпэкIэ лъыкIотэным пае анахь макIэм очко 34-кIэ апэ итэу текIоныгъэр къыдихын фэягъ, ау ар къы­дэ­хъугъэп.

«Динамо-МГТУ-р» зэнэкъо­къум къыхэзыгъ, «Нефтехими­кыр» ыпэкIэ лъэкIуатэ.