ФутболымкIэ Урысыем ипремьер-лигэ щешIэрэ командэхэм зичэзыу ешIэ­гъухэр яIагъэх.

Джырэ уахътэм апэрэ чIыпIитIур зы­Iыгъхэ «Зенит» ыкIи «Ростов» Рос­тов-на-Дону щызэдешIагъэх, пчъагъэр 0:0-у зэIукIэгъур аухыгъ. Ахэм къакIэлъыкIорэ «Спартак» (Москва) иешIэгъу къы-хьыгъ. ЦСКА-р Екатеринбург икомандэу «Уралым» текIуагъ. Мы командэхэм апэрэ чIыпIиплIыр аIыгъ, хагъэунэфыкIырэ чIыпIэхэм афэбанэх. «Краснодар» я 6-рэ чIыпIэм щыт, ешIэкIэ дахэ къэзыгъэ­лъагъохэрэм ащыщ.