Урысыем ичемпионат и Суперлигэ щешIэрэ коман­дэхэм зичэзыу ешIэгъухэр яIэщтых. Мы шэмбэтым Адыгеим ибзылъфыгъэ командэ шъхьаIэу «АГУ-Адыифыр» Мыекъуапэ щыIукIэщт Москва къэзыгъэлъэгъорэ «Лучым». Ыпэрэ зэIукIэгъу­хэм язэфэхьысыжьхэм къызэрагъэлъагъорэмкIэ, типшъа­шъэхэм «Лучым» къышIуахьыныр сыдигъуи къин къащэхъу, анахьэу Мые­къуапэ щешIэхэ зыхъукIэ. «АГУ-Адыифым» аужырэ ешIэгъоу Мыекъуапэ щыриIэщтыр блэшъумыгъэкI, ар сыхьатыр 2-м Адыгэ къэралыгъо университетым щыкIощт.