Адыгеим дэгъоу щызэлъашIэщтыгъэ футболистэу Анато­лий Абрамовым ыцIэкIэ зэхащэгъэ зэнэкъокъур гъэшIэгъо­нэу макIо.

Мыекъопэ «Зэкъошныгъэм» илъэс пчъагъэрэ хэтыгъэ А. Абрамовым Iэгуаор къэлапчъэм зэрэдидзэгъэ пчъагъэмкIэ рекорд ыгъэуцугъ, непэ къыз­нэсыгъэми ащ зыми къыригъэхъун ылъэкIыгъэп.

«Абрамовым и Кубок» зыфиIорэ зэ­нэкъокъум командэ 12 къекIолIагъ. Олимпийскэ системэм тетэу ар макIо — къызытекIохэрэр турнирым хэзы. Непэрэ мафэм ехъулIэу команди 4 къэнагъ. Финалныкъом нэсыгъэх «Ошъу­тенэр», МФОК-у «Ошъутенэр», «Тульскэр» ыкIи «Спортмастер-2-р». Мыхэр дэгъоу зэрэшIэх, ыпэкIэ нэмыкI зэнэ­къокъухэм пчъагъэрэ ащызэIукIагъэх. Арышъ, стадионэу «Юность» зыфиIорэм щыкIощт ешIэгъухэр зэрэгъэшIэ­гъоныщтхэм щэч хэлъэп.

Чемпион хъунымкIэ амылышIу­хэр зы­IэкIэлъыр «Ошъутенэр» ары, сыда пIомэ мы командэм гъогогъуитфэ зэкIэ­лъыкIоу «Абрамовым и Кубок» къы­хьыгъ. Мэлылъфэгъум и 15-м сыхьатыр 11-м МФОК-у «Ошъутенэм» ар IукIэщт. Ащ ыуж финалныкъом ихьэгъэ адрэ командэхэу «Тульскэмрэ» «Спортмастер-2» зыфиIорэмрэ язэIукIэгъу кIощт.