Спорт акробатикэмкIэ зэнэкъокъоу «Черноморский шпагат» зыфиIорэм Адыгеим икомандэ хэлэжьагъ ыкIи дышъэ медалищ къыхьыгъ.

Къэли 9-мэ къарыкIыгъэ командэ 13 Iофтхьабзэм къекIо­лIагъ, спортсмен 405-мэ заушэтыгъ. ХагъэунэфыкIырэ чIыпIэхэм якъыдэхынкIэ Тэхъутэмыкъое районым испорт еджапIэу N 3-м зыщызыгъасэхэрэр анахьэу зэ­нэкъокъугъэхэр Анапэ ыкIи Краснодар краир къэзыгъэлъэгъогъэ акробаткэ пэрытхэр ары.

Апэрэ мафэм зыныбжь имыкъугъэхэр медальхэм афэбэнагъэх. Ящэнэрэ разряд зиIэхэмкIэ Адыгеим илIыкIохэу Полина Шевченкэм, Ангелина Поделец ыкIи Ясмина Никитинам текIоныгъэр къыдахыгъ.

ЯтIонэрэ мафэм нахь опыт зиIэ спортсменкэхэр зэнэкъокъу­гъэх. Тэхъутэмыкъуае иакробаткэхэм дэгъу дэдэу зыкъагъэлъэгъуагъ. Ящэнэрэ разряд зиIэхэмкIэ Дарья Цыцора, Виктория Фурсовам ыкIи Рената Биксантеевам дышъэ медальхэр къахьыгъэх. ЯтIонэрэ разрядымкIэ те­кIоныгъэр къыдахыгъ Виктория Гончаровам, Елизавета Ефимовам ыкIи Дарья Козловских.

Типшъашъэхэм, ахэм ятренерхэм тафэгушIо, тапэкIи гъэхъэ­гъэшIухэр ашIынхэу афэтэIо.