Мэлылъфэгъум и 12-р — космонавтикэм и Маф
Адыгэ Республикэм щыпсэухэу лъытэныгъэ зыфэтшIыхэрэр!
Космонавтикэм и МафэкIэ тышъуфэгушIо!
1961-рэ илъэсым мэлылъфэгъум и 12-р Урысыем итарихъ дышъэ хьарыфхэмкIэ хатхагъ. Дунэе мэхьанэ зиIэ хъугъэ-шIэгъэшхо мы мафэм къэхъугъ — цIыфлъэпкъым итарихъкIэ космосым апэрэу быбыгъэх. Космическэ къухьэу «Востокым» исэу Юрий Гагариным ЧIыгур хъураеу къызэпибыбыхьи, цIыфлъэпкъым итарихъ чэзыукIэ къыщызэIуихыгъ.
Космосым зэрэбыбыгъэхэр тихэгъэгу инаукэкIэ текIоныгъэшхоу хъугъэ, анахь пшъэрылъ къинхэри бгъэцэкIэн зэрэплъэкIыщтыр ащ къыгъэлъэгъуагъ.
Мы мафэм тэ тарихъ шIагъо зиIэ тихэгъэгу, советскэ, урысые космонавтхэм ялIыхъужъныгъэ, ракетэ-космическэ отраслэм иIофышIэ хъупхъэхэм, тихэгъэгу инаукэ щытхъу къыфэзыхьырэ, тикъэралыгъо игъэпытэн зиIахьышIу хэзышIыхьэрэ пстэуми тарэгушхо.
Тихэгъэгу икосмонавтикэ тапэкIи текIоныгъабэ зэришIыщтым, Урысыем илIэужыбэ ахэм зэрарыгушхощтым тицыхьэ телъ.
Космосым апэу быбыгъэхэр уихэгъэгу шIу зэрэплъэгъун, уиIоф узэрэфэшъыпкъэн фаемкIэ ренэу щысэтехыпIэу терэIэх, Хэгъэгум ифедэ зыхэлъ Iофхэм ягъэцэкIэн тытырырагъэгушIухь!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр