Кушъхьэфэчъэ спортымкIэ бзылъфыгъэхэм ыкIи зыныбжь имыкъугъэхэм язэнэкъокъухэр Мыекъуапэ щыкIуагъэх. Республикэм икъэлэ шъхьаIэ къэзыгъэлъэгъогъэ спортсменхэм гъэхъэгъэшIухэр ашIыгъэх.

Урысые зэнэкъокъухэм къадыхэлъытагъэу къызэдэчъагъэхэм очко пчъагъэу къахьыгъэм елъы­тыгъэу медальхэр афагъэшъошагъэх. Ростов ыкIи Тульскэ хэку­хэм ялIыкIоу Софья Володинам текIоныгъэр къыдихыгъ, ащ очко 31-рэ ригъэкъугъ. ЯтIонэрэ хъугъэ Иркутскэ хэкум испортсменкэу Валерия Ковязинар, ящэнэрэ чIыпIэр къыдихыгъ Адыгэ Респуб­ликэр къэзыгъэлъэгъогъэ Анастасия Могилевскаям.

Урысыем и Кубок икъыдэхын фэгъэхьыгъэ зэнэкъокъухэри рагъэкIокIыгъэх. Адыгеим испорт­сменкэу Елизавета Арчибасовам текIоныгъэр къыдихыгъ, ятIонэрэ хъугъэ Омскэ ыкIи

Новосибирскэ хэкухэм ялIыкIоу Мария Иванцовар, ящэнэрэ чIыпIэр фагъэшъо­шагъ Адыгеим испортсменкэу Гюнель Мартыновам.

Джащ фэдэу скретчымкIэ зэнэкъокъухэр гъэшIэгъону кIуагъэх. Зэфэхьысыжьхэм къызэрагъэлъэгъуагъэмкIэ, апэрэ ыкIи ящэнэрэ чIыпIэхэр къыдахыгъэх Адыгеим испортсменкэхэу Гюнель Мартыновамрэ Анастасия Могилевскаямрэ, ятIонэрэ хъугъэ Ма­рия Иванцовар.