ДзюдомкIэ зэIухыгъэ турнир Ростов хэкум икъалэу Новочеркасскэ щыкIуагъ. Апшъэрэ категорие зиIэ тренерэу А.В. Минаевым ишIэжь фэгъэхьыгъэ зэнэкъо­къум зыныбжь илъэс 18-м шIомыкIыгъэ кIалэхэр ыкIи пшъашъэхэр хэлэжьагъэх.

Спортсмен 250-м ехъумэ заушэтын амал яIагъ. Мы зэнэкъо­къум хэлэжьэнэу Адыгэ Рес­пуб­ликэри рагъэблэ­гъагъ. Джащ фэдэу Ростов хэкум, Краснодар ыкIи Ставрополь крайхэм, Донецкэ Народнэ Республикэм, Къэбэртэе-Бэлъкъарым ыкIи Къэрэщэе-Щэр­джэсым ялIыкIохэр бэ­нагъэх.

Адыгеим идзюдо­истхэм медали 10 къа­хьыгъ. ТекIоныгъэр къы­дахыгъ ХьакIэко Данэ, Елена Шаталовам ыкIи Анастасия Коржовам. Нэбгырихмэ ящэнэрэ чIыпIэр къафагъэшъошагъ: Е. Бойкэм, К. Дза­галовам, К. Букре­евам, М. Лодневам, В. Пылевам. Ащ нэмыкIэу яонтэгъугъэ елъытыгъэу хагъэунэфыкIырэ чIыпIэхэр къыдахыгъэх А. Коржовам ыкIи М. Лодневам.

Тиспортсменхэм, ахэм ятренерхэм тафэгушIо, тапэкIи мыщ фэдэ гъэхъэгъэшIухэр ашIынхэу, ыпэкIэ лъыкIотэнхэу афэтэIо.