ФутболымкIэ Урысые зэнэкъокъоу «Буткап. Престиж» зыфиIорэр поселкэу Кабардинкэм истадионэу «Олимпым» щыкIуагъ.

2008 – 2009-рэ илъэсхэм къэ­хъугъэ кIалэхэр ащ хэлэжьагъэх. Мыекъопэ «Зэкъошныгъэм» и СШОР 2008-м хэт футболистхэм ешIэкIэ дахэ къагъэлъэгъуагъ ыкIи апэрэ чIыпIэр къыдахыгъ.

Зэнэкъокъум ифинал тикомандэ «АФ Тамбов» зыфиIом Iу­кIагъ ыкIи пчъагъэр 2:0-у текIоныгъэр къыдихыгъ. Тифутболистэу Ламыкъо Пщымаф зэIукIэгъум чанэу зыкъыщигъэлъэгъуагъ, гъо­го­гъуитIо къэлапчъэм Iэгуаор ди­дзагъ.

Финалым ихьанхэм ыпэкIэ тикIалэхэм ешIэгъуи 4 яIагъ. Адыгеим икомандэ «Екатеринодар» 1:1-у дешIагъ, ащ ыуж текIоныгъищ къыдихыгъ.

Тифутболист ныбжьыкIэхэм, тренерхэу А.И. Белоусым ыкIи А.И. Малаховым тафэгушIо, тапэкIи гъэхъэгъэшIухэр ашIынхэу афэтэIо.