Урысые физкультурэ-спорт комплексэу «IофшIэным ыкIи зыкъэухъумэжьыным сафэхьазыр» зыфиIорэм хэлажьэхэрэр аныбжь елъытыгъэу зэтеутыгъэх.

Ахэр ыпэкIэ куп 11 хъущтыгъэх, ау шапхъэхэм зэхъокIыныгъэу афашIыгъэхэм къыхэкIэу а пчъагъэм джы хэхъуагъ ыкIи 18 хъугъэ. Ащ фэдэ унашъо къыдигъэкIыгъ Урысыем и Правительствэ. — Шъолъырхэм ыкIи цIыфхэм бэрэ зыкъызэрэтфагъазэрэм къы­хэкIэу комплексым иструктурэ зэхъокIыныгъэхэр фэтшIыгъэх. Ащ ишIуагъэкIэ шапхъэхэр зытыхэрэр аныбжьыкIэ нахь зэдиштэщтых, — къыIуагъ УФ-м спортымкIэ иминистрэ игуадзэу Одес Байсул­тановым.